မြန်မာနိုင်ငံတွင် လိင်ပိုင်းဆိုင်ရာအကြမ်းဖက်မှုများ၊ စစ်ရာဇဝတ်မှုများနှင့်စပ်လျဥ်း၍ (ကချင်ပြည်နယ် ကောင်းခါးပြစ်မှုကြီးအား အဓိကထားလျက်) အမှန်တရားကိုရှာဖွေခြင်း
ဤအစီရင်ခံစာတွင် ပြည်တွင်းဥပဒေ၊ နိုင်ငံတကာလူ့အခွင့်အရေးဥပဒေများ၊ လူသားချင်းစာနာထောက်ထားသည့်ဥပဒေများ၊ ဥပဒေစိုးမိုးရေးအခြေခံများကို ကျောထောက်နောက်ပြုလျက် တိုင်းပြည်အဆောက်အအုံပိုင်းဆိုင်ရာခိုင်မာခြင်းနှင့် လုပ်ထုံးလုပ်နည်းအရ တရားမျှတမှုကိုရှာဖွေခြင်း ရှုထောင့်များမှနေ၍ ချဥ်းကပ်ထားပါသည်။
ရဲတပ်ဖွဲ့ကိုအဓိကထားကာ တိုင်းပြည်အဆောက်အအုံများ၏ အနေအထားအား တစုံတရာသော အတိုင်းအတာအထိသုံးသပ်ထားပါသည်။ ထို့နောက် ပြည်တွင်းစစ်နှင့် လူ့အခွင့်အရေးချိုးဖောက်မှု ဆက်စပ်ပုံကိုသော်လည်းကောင်း၊ ယင်းတို့အတွက် သင့်တင်လျောက်ပတ်သော ဖြေရှင်းမှုကိုသော်လည်းကောင်း ကြိုးပမ်းရှာဖွေတင်ပြထားသည်။
နောက်ဆုံးအနေဖြင့် မြန်မာနိုင်ငံ၏ အတိတ်နှင့်မျက်မှောက်နောက်ခံအခြေအနေများနှင့် ဆက်စပ်လျက် လူ့အခွင့်အရေးအရ တိုးတက်ကာကွယ်စောင့်ရှောက်နိုင်ရေး ရှုထောင့်မှနေ၍ နိုင်ငံတကာ၏ တာဝန်ရှိမှုနှင့် အခန်းကဏ္ဍကိုလည်း ထောက်ပြထားပါသည်။
